Til hamingju Karen

Augljólega er farið að molna hressilega undir Frjálslynda flokknum og greinilega engin tilviljun að fólk flýr Magnús Þór Hafsteinsson enn aftur. Karen Jónsdóttir ákvað að yfirgefa flokkinn og ganga til liðs við Sjálfstæðisflokkinn á Akranesi sem nú er með hreinan meirihluta skagafólki til mikilla hagsbóta. Ég skil afstöðu hennar mjög vel og hreint með ólíkindum þessir rasistataktar í Frjálslynda flokknum og skiljanlega vill skynsöm manneskja eins og Karen ekki vera bendluð við slíkan ófögnuð. Þetta er ekki í fyrsta sinn sem Magnús og flokkurinn er borinn sökum um kynþáttafordóma og eðlilega spyr maður sig hvað býr að baki. Er Frjálsyndi flokkurinn að verða einhverskonar þjóðernisflokkur? Von að fólk velti þessu fyrir sér. Það er frábært að Akranesbær vilji taka á móti þessu flóttafólki og reyna að búa þeim betri aðstæður og betra líf  fyrir þau. Ég hef ekki kynnt mér það en trúlega hefur þetta fólk búið við ömurlegar aðstæður í flóttamannabúðum. Í mínum huga er þetta merki um manngæsku og þannig manneskja er Karen greinilega fyrst hún stígur þetta skref.

 

Í lagi að vera fljótur!!!!!

þvílíkur léttir samkvæmt rannsóknum bandarískra vísindamanna þá fær maður mest út úr kynlífinu ef það tekur amk 3 mínútur og helst ekki meira en 13 mínútur fyrir utan forleik. Ég stóð í þeirri trú að ef maður hamaðist endalaust eins og Duracell kanínan þá fengið maður miklu meira út úr sexinu. Grínlaust ég vona að þessir "vísindamenn" hafi ekki fengið mikið borgað fyrir þessa "uppgötvun" og svo á að birta þetta í "Journal of Sexual Medicine". Þeir hljóta að vera komnir í alvarleg þrot með efni ef þetta er það merkilegasta sem hægt er að bjóða uppá í þessu tímariti. Flestir karlmenn með þokkalega kyngetu vita þessa hluti og uppgötvuðu þetta einir og óstuddir. Eins það að sjortari sem tekur 1-2 mínútur er of stutt. Takk fyrir að minna mig á það því ég hefði annars ekki gert mér grein fyrir því eða þannig. Gaman væri að vita hvaða "vísindamenn" þetta eru og hvar þeir gerðu þessa stórmerkilegu uppgötvanir.

   

Trukkaliðið

Enn og aftur eru vörubílstjórarnir að loka götum í mótmælaskyni. Ég styð þennan málsstað heilshugar en menn verða samt að passa sig að fara ekki yfir strikið heldur. Mjög líklega urðu einhverjir flugfarþegar pirraðir í nótt þegar trukkarnir lokuðu Reykjanesbrautinni. Ég hefði orðið það enda þolinmæðisstuðullinn frekar lítill hjá mér. Veit svo sem ekki hvort það urðu einhverjar tafir á flugi við þetta. Ég hef sjálfur enn sem komið er sloppið við að lenda í þessum lokunum. Mun nú samt reyna að halda ró minni ef það gerist. Það er komin timi til að stjórnvöld hlusti á þessi mótmæli og bregðist við með því að lækka sínar álögur á eldsneyti og það STRAX. Nú ef þau láta sér ekki segjast þá hvet ég trukkafólkið til að halda þessu áfram eins lengi og þarf.

 

0-1

Flott Leedsararnir höfðu það með 0-1 útisigri á  Doncaster í kvöld og náðu að hefna fyrir tapið á Elland Road.  Komnir í sjöunda sæti og eingöngu 1 stigi frá umspilssæti. Áfram svona Leeds United.

Barcelona vann 0-1 á útivelli og Eiður sat á bekknum allan tímann. Annars leist mér ekkert á þetta því Schalke brenndi af fullt af færum í seinni hálfleik. Svo er bara að klára seinni leikinn á Nou Camp. Greinilega gott að spila á útivelli 1 apríl því Man U vann líka Roma 0-2 og seinni leikurinn formsatriði. Get nú ekki sagt að ég fagni því þó.

 

 

 

-7 stig?

Samkvæmt óstaðfestum fréttum hefur Leeds United verið boðið að fá 8 stig til baka af þeim 15 sem voru dregin af þeim sl. sumar. Sömu fréttir segja að þetta verði tilkynnt 15 apríl sama dag og gerðardómurinn á að koma saman en hann er skipaður þremur fulltrúum. Einum frá Leeds, einum frá félagasamtökunum og einum hlutlausum aðila samþykktum af hinum tveimur.

Mín skoðun er sú er að félagið á að hafna þessu boði og halda sig við þá skýlausu kröfu að fá öll 15 stigin til baka þ.s þessi refsing á sér ekki fordæmi. Í raun var liðinu refsað tvisvar fyrir sama glæpinn þ.e að fara í greiðslustöðvun í lok síðasta tímabils en þá missti liðið 10 stig. Það tók Liðið einungis 5 leiki að koma sér á núllið með því að vinna 5 fyrstu leikina þ.a það er búið að vinna þessi stig inn nú þegar.

Reynist það rétt að þeir geti fengið aftur 8 stig af þessum 15 þá er augljóst að félagasamtökin eru ekki viss sjálf að þetta hafi verið lögleg aðerð og er hrædd við að þetta fari alla leið fyrir almenna dómstóla. Fyrir Leeds United þýðir þetta að liðið fer í fjórða sætið á kostnað Tranmere Rovers sem dettur þá úr umspilssæti og mjög ólíklegt að þeir sætti sig við það. Hvað sem verður er alveg ljóst að þetta keppnistímabil í Leage one á eftir að draga langan dilk á eftir sér því bæði Leyton Orient og Doncaster Rovers hafa lýst því yfir að þau muni ekki sætta sig við að Leeds fái stigin til baka. Barnsley og Bradford hafa aftur á móti lýst yfir stuðningi við Leeds United og sagt að þessi meðferð hafi veri ósanngjörn.

  Hérna má sjá fréttina http://www.planetswans.co.uk/article.aspx?ArticleID=235

Leeds United leikur við Doncaster Rovers í kvöld á útivelli og verður það örugglega ekta derbyleikur af bestu gerð.

Áram Leeds

"15 points who givesa fuck, we´re super leeds and we´re going up" verður sungið hástöfum í kvöld.

Bloggið

Jæja þá lét maður verða af því að gerast bloggari. Óskandi að maður láti eitthvað gáfulegt frá sér en fólk verður bara að meta það en fyrst og fremst á þetta að vera skemmtilegt. Ég læt yfirleitt allt vaða og það verður engin breyting hér á. Segi það sem mér býr í brjósti þá stundina og er þá ekkert undanskilið.